سندوتشات الشورما بخبز التورتيلا من مطبخى بالخطوات المصورة

اولا الشورما

1-لحم مقطع شرائح طولية رفيعة
2-قلب3 حبات طماطم + 2 فص ثوم + بصلة متوسطة + فنجان صغير خل + ملح+ فلفل اسود+ بهارات لحم
3- قطع لية
4- فلفل الوان + بصلة ترنشات + لحم الثلاث حبات طماطم مكعبات

الطريقة



اضع كل المكونات فى الخلاط رقم (2) و اصفيها واضعها على اللحم حوالى 4 ساعات (او يا سلام لو تبيتيها ليلة كاملة فى الثلاجة)





اضع شوية زيت فى طاسة واضع الفلفل الالوان والبصل يستو 1/2 سوا يعنى يادوب يذبل قليل

اقطع اللية ( او ممكن ابشرها بالمبشرة علشان الاولاد عادة ما بيحبوها تبان ) واضعها فى طاسة ساخنة لما تنزل دهنها وبعدين اضع اللحم بالصوص بتاعها واتركها تستوى




بعد ما استوت اضع الفلفل والبصل اللى مستوى نصف سوا يادوب يسخن معها وقبل ما اطفى اضع اللى اخذت قلبها علشان متنزلش ميةالطماطم المكعبات



خبز التورتيلا

المقادير

2 كوب دقيق
ملعقة ونصف صغيرة بيكنج بودر
ملعقة صغيرة فلفل احمر (بابريكا )
كوب الا ربع ماء او اقل ( حسب الدقيق )
ملعقة سمن نباتى
2 ملعقة لبن بودرة



الطريقة



تعجن كل المكونات وتترك حوالى 1/2 ساعة ترتاح



تقطع العجينة كور صغيرة ( حسب ما انتى عاوزة حجم الرغيف )
نضع قليلا من الدقيق ونفرد العجينة بالنشابة


اضع طاسة تيفال ( لا ادهنها ) ساخنة جدا واضع الرغيف وبعدين اقلبة ( خدى بالك بيستوى بسرعة ) علشان رقيق





اضعة فى طبق واغطية الى ان اكمل كل الكمية




افرد الرغيف واضع طبقة مستردة ومايونيز وكاتشب ثم ملعقة من الشورما والفة



وبالهنا والشفا

انا مستنية رايكم وجربوا موش هتندمو